"PACO NADALEK GORBEIA, EUSKADIKO BIHOTZ BERDEA" AURKEZTU DU FITURREN

• Paco Nadalek Gorbeia eta Parke Naturala zeharkatutakoan bizitako esperientzia partekatu du, FITURen aurkeztu den bideo esklusibo batean

• Ekimenak Gorbeia benetako helmuga berde eta jasangarri gisa kokatzea du helburu, natura, gastronomia eta tradizioa maite dutenentzat

• Bideoa Paco Nadalen YouTubeko kanalean dago eskuragarri, publikoak noiznahi goza dezan

  
  

Gorbeia helmuga turistikoak, Eusko Jaurlaritzako Turismo, Merkataritza eta Kontsumo Sailarekin eta Arabako eta Bizkaiko Foru Aldundiekin lankidetzan, "Paco Nadal Gorbeian, Euskadiko Bihotz Berdean" aurkeztu du FITUR Nazioarteko Turismo Azokan.

Aurkezpen honetan, Paco Nadal kazetari eta idazle ezagunak bideoaren aurrerapen esklusibo bat partekatu du. Bertan, Gorbeiako Parke Naturala, pagadiak, ur-jauziak, inguruko herriak (Aramaioko Ibarra, Legutio, Murgia (Zuia), Otxandio eta Orozko) bisitatu zituen 2024ko urrian, eta hainbat jarduera berezitan parte hartu zuen, hala nola Iturrieta sagardotegia, Baias garagardotegia eta Antzasti eta Euskal Buztingintza Tradizionalaren museoak.

Aurkezpen-ekitaldian, Agustin Otsoa Eribeko Landa, Gorbeialdeko Kuadrillako presidentea; Olatz Urkiza Atutxa, Gorbeialde LGEko presidentea; eta Paco Nadal, izan dira, inguruko aberastasun naturala, kulturala eta gastronomikoa islatzen duen bideoaren eduki esklusiboa partekatu duena. Aurkezpenean, 8 minutu eta 32 segundoko iraupeneko bideoa proiektatu da, Nadalek bizitako paisaiak eta esperientziak erakusten dituena, Gorbeiaren esentzia benetako leku berde eta bizitzaz betea bezala transmitituz.

Paco Nadalen bideo hau aurkezpenaren ardatz nagusia izateaz gain, publikoarentzat eskuragarri dago Paco Nadalen YouTubeko kanalean, eta aukera ematen du Gorbeiako mirariak ezagutzeko interesa duen edonori edukiaz edozein unetan gozatzeko: Oroko Santutegia, Itzinako biotopoa, Gorbeiako gurutzea, bertako gastronomia eta artisautza, etab.

Bere hitzaldian, Agustin Otsoa Eribeko Landak mota horretako ekimenen garrantzia azpimarratu du, Gorbeia helmuga turistiko iraunkor eta aktibo gisa sendotzeko, natura, gastronomia eta kultura tradizionala maite dutenentzako eskaintza batekin. Olatz Urkiza Atutxak lankidetza publiko-pribatua nabarmendu du, horrelako proiektuen arrakastarako giltzarri gisa, eta Paco Nadalek bere esperientzia pertsonala partekatu du, paisaien edertasuna eta jendearen berotasuna nabarmenduz.