Gorbeia mendia da Gorbeiako zerumuga definitzen duen gaina. Gailurretik, 1.481 metroko altueran, bista panoramikoak ikusgarriak dira. Han, Gorbeiako Gurutzea aurkituko duzu, euskal mendizaletasunaren erreferentzia puntua eta Euskadiren ikurra.

​

17 metro pasatxoko eraikina da, Eiffel dorrea gogorarazten duen egitura duena.

Urtezahar gauean edo Urteberri egunean bisitatzen bagaituzu, egin bat egun horretan gurutzeraino igotzeko herritarren ohiturarekin.

​

Beste mendi enblematikoetako bat, bere balio historikoagatik eta aniztasun

naturalagatik, Itzinako mendigunea da. Katilu forma du, eta barrualdea labirinto harrigarri bat da, euskal mitologiako leize eta elezaharrez zipriztindua.

​

Mendi hauetara eta beste batzuetara igotzeko ibilbideak eta zidorrak eskuragai dituzu.

Bisitatu webgune honetako ibilbideen atala edo joan zaitez parkeko edo parketxeko turismo-bulegoetara eta etxeetara. Bertan, behar dituzun gomendioak eta zure ibilbiderako mapa emango dizkizute.

​

Gogoratu Euskadin, mendian pertsonekin gurutzatzen garenean, Aupa! esaten

dugula.